झापा
बाढीबाट प्रभावित दक्षिणि क्षेत्र झापा गाउँपालिकाका पीडितलाई कर्णाली बचत तथा ऋण सहकारी संस्थाले राहात उपलब्ध गराएको छ । सहकारीका सचिब भूपाल बस्नेतको नेतृत्वमा गएको टिमले पिडित परिवारलाई राहत वितरण गरेको हो । बाढी पिडितलाई तत्कालका लागि सामान्य खाद्यान्न वितरण गरिएको सचिव बस्नेतले जानकारी दिए ।
कर्णाली साकोस शणामती सेवाकेन्द्रले झापा गाउँपालिका वडा नम्बर ५ मा बिरिङ खोलाका कारण बिचल्ली भएका २८ घर घरपरिवारलाई राहात सहयोग गरेको हो।
कर्णाली साकोसका शेयर सदस्य परिवारलाई जनही पाँच हजार रुपैयाँका दरले र गैह्रसदस्य परिवारहरूलाई तीन हजार रुपैयाँका दरले र साथै १ बोरा चामल, १ बोरा भुजा, खानेतेल २ लिटर , २ केजि न्युटेला र अन्य सामानसहित सोही वडाका वडाध्यक्ष कृष्ण राजबंशीको रोहवरमा बितरण गरिएको बताइएको छ।
कार्यक्रममा संस्थाका सचिव भुपाल बस्नेत, वडाध्यक्ष कृष्ण राजवंशी, सुरुङ्गा सेवा केन्द्रका कार्यालय प्रमुख रबिन कार्की, शरणामती सेवा केन्द्रका प्रमुख मंगलसिंह राजबंशीलगायत अन्य कर्मचारीहरुको उपस्थिति थियो।
