केही दिनअघि सरुवा भएका इलाका प्रहरी कार्यालय अनारमनीका प्रहरी नायब उपरीक्षक (डीएसपी) सुरज कार्कीलाई बुधबार बिदाई गरिएको छ ।
निमार्ण व्यवसायी संघ झापाले आज संक्षिप्त एक कार्यक्रमकाबिच डिएसपी कार्कीको बिदाई गरेको हो । बिदाई कार्यक्रममा निमार्ण व्यवसायी संघका अध्यक्ष मिलन बस्नेतले डीएसपी कार्कीलाई मायाको चिनो प्रदान गर्दै आगामी दिनको कार्यकालको शुभकामना व्यक्त गरेका थिए ।
बिदाई कार्यक्रममा संघको दित्तिय उपाध्यक्ष कुमार उप्रेती, तृतिय उपाध्यक्ष कृष्ण प्रसाद प्रसाई, कार्य समिति सदस्य नयन बराल, साधारण सदस्य निर्मल खरेल , कार्यालय सचिव ज्योती पौडेलको निमार्ण व्यवसायीहरुको उपस्थिति रहेको थियो ।
१४ महिना अघि बिर्तामोडमा सरुवा भई आएका डीएसपी कार्कीको नुवाकोट सरुवा भएको हो । अपराध न्यूनीकरण र समाजमा शान्ति सुव्यवस्था कायम गर्न र व्यवसायीहरुको समस्या हल गर्न सहयोग पु¥याएको भन्दै कार्कीलाई बिदाई गरिएको संघका अध्यक्ष बस्नेतको भनाई छ ।
