झापा जिल्लामा लागूऔषधको कारोबार र प्रयोग बढ्दै जाँदा यसको नियन्त्रणमा राज्यका सम्बन्धित निकायको सक्रियता र प्रभावकारितामाथि प्रश्न उठ्न थालेको छ।
प्रहरीले दैनिक विभिन्न स्थानमा लागूऔषधसहित व्यक्ति पक्राउ गरिरहे पनि कारोबारको सञ्जाल भने नियन्त्रणमा आउन नसकेको देखिन्छ।
विशेषगरी युवा पुस्तामा लागूऔषधको पहुँच बढ्दै गएको र सीमावर्ती क्षेत्रबाट हुने ओसारपसार नियन्त्रण चुनौतीपूर्ण बन्दै गएको स्थानीयको गुनासो छ।
पटक–पटक लागूऔषधसहित पक्राउ परेका घटना सार्वजनिक भइरहँदा यसको मुख्य सञ्जाल, कारोबारी र आपूर्तिको स्रोतसम्म पुग्ने अनुसन्धान कति प्रभावकारी भइरहेको छ भन्ने प्रश्नसमेत उठेको छ।
लागूऔषध नियन्त्रणका लागि स्थापना गरिएको लागूऔषध नियन्त्रण ब्युरोको भूमिका र सक्रियतामाथि पनि अहिले बहस सुरु भएको छ।
लागूऔषध नियन्त्रण ब्युरो सईकाे नेतृत्वमा छ तर पनि ब्युरोले प्रभाबकारि काम गर्न सकेकाे छैन । विवेक कटुवालकाे टिमले अहिले काम गर्न नसकेकाे बताईन्छ ।
उनकाे टिममा हवल्दार पन्चनारायण मेहता, सहायक हवल्दार संयोग राई , सहायक हवल्दार सुमा न्याैपाने सहित अन्य दुई जना कार्यरत छन् ।
स्थानीय तहमा लागूऔषध नियन्त्रणका अभियान र पक्राउका घटना भइरहे पनि समस्या न्यूनीकरण हुन नसक्नुले ब्युरोको रणनीति, समन्वय र कार्यसम्पादनको प्रभावकारितामाथि समीक्षा आवश्यक देखिएको छ।
सीमावर्ती झापामा लागूऔषधको ओसारपसार रोक्न सीमा सुरक्षा, प्रहरी अनुसन्धान र ब्युरोबीच प्रभावकारी समन्वय आवश्यक छ।
पक्राउमा मात्र सीमित नभई कारोबारको जरा पहिल्याउने, मुख्य कारोबारी पहिचान गर्ने र आपूर्ति सञ्जाल भत्काउनेतर्फ सुरक्षा निकाय केन्द्रित हुनुपर्ने स्थानीयको माग छ।
लागूऔषध नियन्त्रणमा देखिनेभन्दा परिणाममुखी काम आवश्यक छ।
झापामा बढ्दो लागूऔषध समस्या नियन्त्रण गर्न सम्बन्धित निकायले आफ्नो सक्रियता र कार्यसम्पादन सार्वजनिक रूपमा समीक्षा गर्दै ठोस कार्ययोजना अघि सार्नुपर्ने देखिन्छ।
