दमक : (झापाको कमल गाउँपालिकामा शुक्रबारराति हात्तीको आक्रमणबाट एकजना महिलाको मृत्यु भएको छ । कमल गाउँपालिका वडा नम्वर ५ गुहेश्वरी निवासी ५८ वर्षीया खड्गमाया लिम्बुको हात्तीको आक्रमणबाट ज्यान गएको हो ।

सुतिरहेको अवस्थामा बारबेरा सहितको घर भत्काउन थालेपछि लिम्बु भाग्ने क्रममा घरभन्दा करिब ३० मिटर पर हात्तीले पछारेर उनलाई मारेको जिल्ला प्रहरी कार्यालय झापाले जनाएको छ।

तीन दिनअघि मात्रै रतुवामाई वृक्षारोपण आयोजनाको क्षेत्रभित्र हात्तीले आक्रमण गर्दा शिवसताक्षी (११ की ६० वर्षीया पवित्रा भेटवालको मृत्यु भएको थियो ।