प्रहरीले भन्सार छलेर नेपाल ल्याइदै गरेको सामाग्री बरामद गरेको छ । आज शुक्रवार बिहान अन्दाजी ४ बजेको समयमा प्रहरी चौकी सतिघट्टाबाट खटिएको प्रहरी टोलीले जुत्ता, चप्पल नियन्त्रणमा लिएको जनाइएको छ ।
प्रहरी सहायक निरिक्षक छत्रलाल श्रेष्ठको कमाण्डमा खटिएको प्रहरी टोलीले झापाको मेचीनगर नगरपालिका ७ मलामिटारबाट भारतबाट नेपाल तर्फ भन्सार छली ल्याउदै गरेको जुत्ता, चप्पल जम्मा ६५हजार मूल्य बराबरको सामान नियन्त्रण लिएको जिल्ला प्रहरी कार्यालय झापाले जनाएको छ ।
