प्रहरीले बिर्तामोड ४ का एक युवालाई लागु औषध सहित पक्राउ गरेको छ । इलाका प्रहरी कार्यालय बिर्तामोडबाट खटिएको टोलीले आज दिउंसो १ बजे बिर्तामोड नगरपालिका ४ बस्ने बर्ष २५ को बिकु राजबंशीलाई पक्राउ गरेको हो ।
उनलाई बिर्तामोड ४ स्थित आदर्श बैँकेट अगाडी उत्तर दक्षीण सडक खण्डमा शंकास्पद लागि चेकजाँच गर्दा पेन्टको दाहिने गोजिबाट सिखर चुरोटको खोल भित्र प्रतिवन्धित लागूऔषध ब्राउन सुगर बरामद गरेको हो ।
उनको साथबाट सेतो प्लास्टिकको स–साना पोका थान –९ (नौ ) फेला परेको प्रहरीले जनाएको छ ।
राजवंशीको साथबाट २ (दुई) ग्राम २५० (दुईसय पचास ) मिलिग्राम फेला पारीएको र निजलाई नियन्त्रणमा लिई ईलाका प्रहरी कार्यालय अनारमनीमा ल्याई राखी थप अनुसन्धान कार्य गरिरहेको प्रहरीले जनाएको छ ।
