बिर्तामोड । झापाको कमल गाउँपालिकामा मोटरसाइकल दुर्घटना परी घाइते भएका ४० वर्षीय नविन आचार्यको मृत्यु भएको छ ।
झापाको कमल ५ सावित्रा चोकस्थित पूर्वपश्चिम राजमार्गमा शुक्रबार साँझ ७ः३० बजे केर्खाबाट दमकतर्फ जाँदै गरेको प्रदेश १–०१–०१४ प ८९१४ नम्बरको मोटरसाइकले बाटो क्रस गर्दै गरेको कुकुरलाई ठक्कर दिँदा दुर्घटना भएको थियो ।
दुर्घटनामा मोटरसाइकल चालक शिवसताक्षी नगरपालिका वडा नम्बर २ बस्ने २६ वर्षीय पदमबहादुर पौडेल घाइते छन् भने पछाडि बसेका सोही ठाउँका आचार्य पनि घाइते भएका थिए ।
दुवैलाई दमकस्थित निम्स अस्पतालमा प्रारम्भिक उपचार गरी बिएन्डसी अस्पताल बिर्तामोड ल्याइएकोमा उपचारका क्रममा हिजो दिउँसो ४ बजे आचार्यको मृत्यु भएको जिल्ला प्रहरी कार्यालय झापाले जनाएको छ ।
