बिर्तामोड:
झापाको बिर्तामोडमा दुई प्राङ्ग्रे सवारी साधन टिभिएस ब्रान्डको आधिकारिक बिक्रेता पाथिभरा अटो लिंकले आजदेखि ‘मनसुन एक्सचेञ्ज’ सुरु गरेको छ ।
‘मनसुन एक्सचेञ्ज’ अन्तर्गत टिभिएस ब्रान्डका जुनसुकै मोटरसाइकल तथा स्कुटर खरिद गर्दा ग्राहकले नगद छुट लगायत विविध लाभ लिन सक्ने पाथिभरा अटो लिंकका सञ्चालक सजेश शिवाकोटीको भनाई छ ।
ग्राहकहरुले मनसुन एक्सचेञ्ज क्याम्प अफरमा छ हजार रुपैयाँ स्योर सट नगद प्राप्त गर्ने बताइएको छ । त्यसैगरी, पुरानो मोटरसाइकल तथा स्कुटरको मूल्यमा थप ६ हजार रुपैयाँमा मूल्यांकन गरिने अर्का सञ्चालक याम कार्कीले जानकारी दिए ।
मासिक किस्ता ३ हजार ९९९ रुपैयाँ मात्रै तिर्नेगरी अफरअन्तर्गत टिभिएसका जुनसुकै स्कुटर तथा मोटरसाइकल ग्राहकले खरिद गर्न सकिने कम्पनीले जनाएको छ ।
अफरमा हेल्मेट, ब्याग कभर, ब्यागलगायत आकर्षक उपहारको व्यवस्था पनि गरिएको छ । ‘मनसुन एक्सचेञ्ज’ अफर आगामी साउन ३२ गतेसम्म बिर्तामोडस्थित टिभिएस सोरुममा सञ्चालन हुनेछ ।
