हिमाली एजुकेशन फाउन्डेसन मा.वि .अर्जुनधाराको १९ ओैं बार्षिक उत्सव सम्पन्न भएको छ । आज बुधबार एक समारोहकाबिच विद्यालय परिसरमा विभिन्न साँस्कृतिक प्रस्तुती सहित बार्षिकउत्सव सम्पन्न गरिएको हो ।
विद्यालयको संस्थापक खड्गराज गिरीको अध्यक्षता तथा अर्जुनधारा नगरको शिक्षा तथा खेलकुद विकास शाखा प्रमुख हरिबहादुर कुंवरको प्रमुख आतिथ्यमा उद्घाटन समारोह सम्पन्न भएको हो । बार्षिक उत्सवलाई सम्बोधन गर्दै प्रमुख अतिथि कुंवरले नीजि विद्यालयहरुले पनि पढाई अलवा विद्यार्थीलाई अतिरिक्त क्रियाकलापमा जोड दिंदै गएको बताए । नीजि विद्यालका विद्यार्थीहरु अहिले गायन, खेल, नृत्य, साहित्य लगायतका विद्यामा अगाडि बढिरहेको धारणा राखे ।
प्रधानध्यापक शान्ता गिरिले स्वागत गरेको कार्यक्रमको सन्चालन विद्यार्थी मनिष बुढाथोकी र शिक्षक बासुदेव बरालले संयुक्त रूपमा गरेका थिए ।
कार्यक्रममा विद्यार्थीले विभिन्न जातजातिका पहिरन तथा संस्कृति झल्कने नृत्य, गायन सहित बक्तित्वकला, कबिता, रेम्स लगायतका प्रस्तुती राखेका थिए ।
विद्यालयले बर्ष उत्कृष्ट शिक्षक २०८२ बाट मनिला शेर्मालाई सम्मानपत्र र नगद सहित सम्मान गरेको छ । कार्यक्रममा प्वाबसन अर्जुनधारा नगर अध्यक्ष बालगोपाल गौतम, बिर्तामोड खानेपानीका सचिब पारषमणी मैनाली लगायतको आतिथ्य रहेको थियो ।
कक्षा ९ सम्म रहेको विद्यालयमा ३८० जना विद्यार्थी रहेका छन् । २०६३ सालमा स्थापना भएको विद्यालयमा कर्मचारी र शिक्षक गरि ३५ जना कार्यरत रहेका छन् ।
