बिर्तामोड ।
झापाको बिर्तामोड ४ मुख्य कार्यालय रहेको सिम्रिक बचत तथा ऋण सहकारी संस्थाले १३ औं बार्षिकोत्सवको अवसरमा सामुदायिक विद्यालयका बिद्यार्थीलाई ब्याग वितरण गरेको छ ।
साकोसले बुधवार (आज) बिर्तामोड–९ स्थित शहिद लक्ष्मी आधारभूत बिद्यालयका १ सय ८ जना बिद्यार्थीलाई ब्याग वितरण गरेको हो ।
संस्थाको सामाजिक उत्तरदायित्व अन्तरगत साकोसले विद्यार्थीको शैक्षिक गुणस्तर सुधारका लागि ब्याग वितरण गरेको संस्थाका कार्यकारी प्रमुख कमलबहादुर बस्नेतले जानकारी दिए ।
संस्थाका अध्यक्ष सुवास भट्टराई कार्यक्रमका प्रमुख अतिथि बिर्तामोड–९ का वडाध्यक्ष हरिप्रसाद चम्लागाई, संस्थाका कार्यकारी प्रमुख कमल बस्नेत लगायतले उनीहरुलाई ब्याग वितरण गरेका हुन् ।
सामुदायिक विद्यालयको खस्कदो शिक्षा प्रणालीमा सुधारकालागि संस्थाले लामो समयदेखि काम गर्दै आएको संस्थाका अध्यक्ष सुवास भट्टराई बताउंछन् ।
संस्थाले यसअघि कचनकवल गाउंपालिकामा बिशेषज्ञ डाक्टरहरुबाट दुई दिने निःशुल्क स्वास्थ्य शिविर गरेको थियो । त्यस्तै बिर्तामोड–६ र ७ तथा बाहदशी १ का स्थानीय जेष्ठ नागरिकलाई न्यानो कपडा वितरण गरेको बताउंदै संस्थाका कार्यकारी प्रमुख बस्नेतले सामाजिक कार्यलार्ई निरन्तरता दिंइदै आएको बताए ।
संस्थाले बिहीवार पनि भद्रपुरस्थित अञ्जनीमोडको एक बिद्यालयका बालबालिकालाई ब्याग बितरण गर्ने जनाएको छ ।
संस्थाका सचिव इन्द्रबहादुर कार्कीले स्वागत गरेका कार्यक्रममा साकोसको गतिविधि र भावी योजनाका बारेमा प्रकाश कार्यकारी प्रमुख बस्नेतले पारेका थिए ।
कार्यक्रममा प्रमुख अतिथि वडाध्यक्ष चम्लागाई, सामाजिक अगुवा विष्णुमाया अधिकारी कोइरालालगायले शुभकामना मन्तव्य राखेका थिए ।
कार्यक्रमको सञ्चालन कर्जा बिभाग प्रमुख बिजय बस्नेतले गरेका थिए । कार्यक्रममा साकोसका उपाध्यक्ष किरण कपुरी, बिर्तामोड–९ का वडासदस्य केशव बुढाथोकी, बिद्यालय ब्यवस्थापन समितिका पदाधिकारी तथा सदस्य, अभिभावक लगायतको उपस्थिति रहेको थियो ।
