बिर्तामोड : आज ७४औँ प्रजातन्त्र दिवसको अवसरमा झापाको बिर्तामोडमा दीप प्रज्वलन गरिएको छ । बिर्तामोडको मुक्तिचोकमा लायन्स क्लब अफ बिर्तामोड लेडीले नेपालको राष्ट्रिय झण्डा बनाएर दीप प्रज्वलन गरेको थियो । संक्षिप्त कार्यक्रममा उनीहरुले रातो र चन्द्र सूर्य गीतसमेत गाएका थिए । कार्यक्रममा अध्यक्ष निरु उप्रेती ओली, महासचिव संगिता चिमरिया, सहसचिव कल्पना बानिँया, सदस्य आशा बानियाँ, देवि थापा, दिपमाला कार्कीलगायत उपस्थित थिए ।
