धनकुटा : सवारीसाधन दुर्घटना न्यूनिकरणका लागि धनकुटामा ट्राफिक नियम सम्बन्धी चेतनामूलक होडिङ बोर्ड राख्ने अभियान धमाधम संचालन गरिएको छ । इलाका प्रहरी कार्यालय भेडेटारले होडिङ बोर्ड अभियान संचालन गरेको हो ।
अभियान अन्तरगत जिल्लाका बिभिन्न ठाउँमा ट्राफिक नियम अंकित होडिङ बोर्ड राखिएको इलाका प्रहरी कार्यालय भेडेटारका प्रमुख प्रहरी नायब निरीक्षक जीवन कार्कीले बताए ।
‘बोर्डमा ट्राफिक चिन्हका साथै सवारी नियम सम्बन्धी बिभिन्न जनचेतनामूलक कुराहरु राखेका छौ,’ उनले भने, ‘यसले सडक प्रयोग गर्नेहरुलाइ सचेत गराउने र दुर्घटना न्यूनिकरणमा सहयोग पु¥याउने अपेक्षा छ ।’
भेडेटार पर्यटकिय क्षेत्र भएका कारण पनि भिडभाड हुने गर्छ । दुर्घटना न्यूनिकरणका लागी सडक प्रयोगकर्ताहरु आफै सचेत हुनुपर्ने पनि उनले बताए ।
‘दुुर्घटना न्यूनिकरणका लागी अभियानलाई तिब्रता दिंइदै लगेको बताउंदै कार्कीले यसलाई सफल बनाउन सवारी चालकसँगै यात्रुहरु पनि आफै सचेत हुुनुपर्ने बताए ।
पछिल्लो समय जिल्लामा सवारी दुर्घटना बढेको भन्दै त्यसको न्यूनिकरणका लागि उक्त अभियान संचालन गरिएको उनको भनाइ छ ।
दुर्घटना न्यूनिकरणका लागि कार्यालयले मुख्य सडक सहित घुम्तिहरुमा बिभिन्न सचेतना मुलक बोर्ड राखिंदै आएको उनले बताए ।
सांगुरीगढी गांपालिका भेडेटारको १० वडा मध्ये प्रहरी कार्कीको सक्रियतामा उनको क्षेत्रमा पर्ने ५ वटा वडामा प्रहरीले सचेतना बोर्ड राखेका छन् । साथै त्यहाँ प्रहरी सचेतना कार्यक्रम प्रभावकारी बन्दै गएको छ ।
उनले जनप्रतिनिधि र बिभिन्न संघ संस्था समन्वय गर्दै सामुदायिक तथा नीजि विद्यालयदेखि समुदायसम्म सचेतनामूलक कार्यक्रम गरिंदै आएको बताउंदै कार्कीले जसका कारण स्थानीयसँग प्रहरीको सम्बन्ध राम्रो भएको बताउंछन् ।
लामो समयदेखि प्रहरीमा आबद्ध प्रनानि कार्कीले छोटो समयमा नै भेडेटारको कमाण्ड समालेसंगै उल्लेखनीय काम गरेका छन् । भेडेटारमा कार्यरत प्रहरी नायव निरीक्षक कार्की गत माघ महिनाको सर्वोत्कृष्ट प्रहरी समेत घोषित भएका थिए ।
कार्कीले इन्धन बोक्ने ट्याङकरमा लुकाई छिपाई ल्याएको ठुलो परिणामको ६०० केजी गाँजा सहित ओसार पसारमा संलग्न चार जनालाई पक्राउ गरेका थिए । त्यस्तै एम्बुलेन्समा गांजा बरामद गर्नुका साथै अपराध नियन्त्रणमा राम्रो काम गरेको भन्दै कोशी प्रदेश प्रहरीले उनलाई सम्मान गरिसकेको छ ।
