कनकाई : रमजानको अवसरमा धार्मिक सद्भाव कायम राख्दै हिन्दु र मुस्लिम समुदायलाई एकसुत्रमा बाँध्ने उद्देश्यले झापाको
कनकाई नगरपालिका–३ का वडा सदस्य गोबिन्द सुवेदीले यहाँस्थित मदिना जामे मस्जिदमा भोजनसँगै खाद्यन्न सामग्री प्रदान गरेका छन् ।
धर्म अनेक भए पनि उद्देश्य एउटै भएको भन्दै उनले भाइचाराको भावना र सम्बन्ध सधैं रहनुपर्नेमा जोड दिंदै यो पवित्र महिना र चाडमा मिष्ठान भोजनसहित खाद्यय सामग्री सहयोग गरिएको उनले बताए ।
मस्जिदका व्यवस्थापन समिति अध्यक्ष महम्मद फिरोजले धर्मको सार एउटै भएकाले सबै जातजाति र धर्म सम्प्रदायको मानिसले एकअर्कालाई सहयोग गर्नुपर्नेमा जोड दिए । उनले हिन्दुले मुस्लिम र मुस्लिमले हिन्दुको चाडपर्वलाई अपनत्व ग्रहण गर्दै मनाउनुपर्ने उल्लेख गरे ।
कनकाई–३ का वडाध्यक्ष युवराज चम्लागाईंले पवित्र महिनाको रमजान पर्वको शुभकाना दिँदै हाम्रो देश धेरै जातजातिको बसोबास भएको ठाउँ हो, यहाँ सबै जातजातिले एकअर्काको धर्म, पर्व र आस्थालाई सम्मान गरेर अघि बढ्नु पर्ने बताए ।
नेकपा एमाले जिल्ला कमिटी सदस्य रविन्द्र लम्सालले समाज रहेका सबै मानिसमा मानवीय भावना हुने बताउँदै मुस्लिम समुदायको महान पर्वमा सबैले सद्भाव देखाउन आवश्यक रहेको बताए ।
सामाजिक अभियन्ता कमल कट्टेलले नेपाल चार जात ३६ वर्षको फूलबारी भएको बताउँदै रमजान मनाइएको बताए ।
वडा सुवेदीका काका कृष्णप्रसाद सुवेदीसहितको सहभागितामा आज साँझमा मस्दिजमा पुगेर रमजानको शुभकामना आदान–प्रदानसँगै मिष्ठान्न भोजन गराइएको हो ।
