झापामा पहिलो पटक वान प्लस यातायात प्रालिले ज्येष्ठ नागरिक तथा  आपाङ्गमैत्री बस सञ्चालनमा ल्याएको छ ।

कन्काईस्थित कोटीहोममा एक कार्यक्रमकाबीच उद्घाटन गरिएको बसमा भिआईपी सिटसहित स्लिपिङ बेडको पनि ब्यवस्था छ । 

विगत २ वर्षबाट सञ्चालनमा आएको वान प्लस यातायात प्रालिले धरान(काठमाण्डौ रुटमा सेवा दिंदै आएको थियो । त्यस पश्चात यात्रुको माग र राम्रो प्रतिक्रिया पाएपछि पहिलो पटक झापाबाट सेवा सञ्चालन गर्ने जमर्को गरेको सञ्चालक बिनोद कोइरालाले बताए ।  

उनले बिरामी,बृद्धबृद्धा र अपाङ्गता भएकाहरुले मात्रै स्लिपिङ बेडसहितको क्याबिन बुक गर्नसक्ने बताए । करिब २ करोड रुपैयाँ लगानी रहको बसमा एयर सस्पेन्सन, जिपिएस लोकेटरसहित सिसी टिभीको ब्यवस्थाले यात्रुहरुको यात्रा सुरक्षित रहने अर्का सञ्चालक रिवश काफ्लले को भनाई छ ।

उनले यातायात अपाङ्गमैत्री भएन भन्ने जनगुनासो बढिरहेको परिपेक्षमा केहि  यात्रुको समस्यालाई सम्बोधन गरिएको बताए । उनले काँकरभिट्टा काठमाण्डौको भाडा २२ सय राखिएको जानकारी दिए ।