_1741321068.jpg)
सन्तोष न्यौपाने÷झापा
सुरक्षा निगरानीका लागि झापामा लाखौं खर्चिएर जडान गरिएका सिसी क्यामेरा बिग्रिएर प्रयोगविहीन हुन थालेका छन् । सुरक्षाका दृष्टिकोणले संवेदनशील मानिने जिल्लाका मुख्य सडक र चोकहरूमा जडान गरिएका सिसी क्यामेरा चट्याङ, अनियमित विद्युत आपूर्ति , सडक विस्तार र मर्मत सम्भारको अभावले प्रयोगविहीन बनेका हुन् ।
प्रविधिको प्रयोगले सुरक्षा अवस्था निगरानी गर्ने उद्देश्यका साथ प्रहरी र स्थानीय संघ संस्थाको सहयोगमा लाखौं खर्चिएर जडान गरिएका झापाको कांकरभिट्टा, धुलाबारी,बिर्तामोड, सुरुङ्गा, भद्रपुर, दमक लगायतका स्थानमा जडान गरिएका ५४८ वटा सिसी क्यामेरा मध्ये १७५ वटा सिसी क्यामेरा लामो समयदेखि बिग्रिएर प्रयोगविहीन अवस्थामा रहेको जिल्ला प्रहरी कार्यालउ झापाका डिएसपी तथा प्रबक्ता कृष्णकुमार चन्दले जानकारी दिए ।
_1736908732.jpg)
मुख्य शहरका राजमार्गमा जडान गरिएका अधिकांश सिसी क्यामेरा मर्मत सम्भारको अभावमा खिया लागेर थोत्रिन थालेका उनी बताउंछन् । बजेट अभावका कारण मर्मत सम्भार गर्न नसकिएको उनी बताउंछन् ।
अपराध नियन्त्रण र प्रमाण सकंलनको भरपर्दो माध्यमका रुपमा प्रयोग भइरहेका सिसी क्यामेराहरू बिग्रिँदा सुरक्षा चुनौती बढ्दै गएको झापाका प्रमुख जिल्ला अधिकारी बन्धुप्रसाद बांस्तोला बताउंछन् ।
बिशेष गरी सिसी क्यामराको सहयोगमा दुर्घटना गराएर भाग्नेहरूलाई समाउन धेरै सजिलो हुने भए पनि पछिल्लो समय एसीयन हाइवे सडक विस्तारले भने भएको सिसी क्यामरामा क्षति पुगेको प्रमुख जिल्ला अधिकारी बांस्तोलाले बताए । जसका कारण दुर्घटना गराएर भाग्ने सवारी पहिचानमा प्रहरीलाई समस्या उत्पन्न हुन थालेको उनको भनाई छ ।
सिसीटिभी हुँदा कुनै पनि घटनाको अनुसन्धान,विश्लेषण गर्न सिसीटिभी रेकर्डेड छ भने धेरै कुरामा सहयोग पुग्ने झापाका प्रहरी प्रमुख एसपी मिलन के.सी बताउंछन् ।
सिसी टिभी बिग्रिएको वर्षौं बितिसक्दा पनि यसको मर्मत सम्भार नहुँदा दिनदहाडै चोरी लुटपाट र डकैतीका घटनाहरू समेत बढ्न थालेका छन् । बिर्तामोड क्षेत्रमा पनि धेरै सिसी क्यामरा बिग्रिएको इप्रका अनारमनीका डीएसपी प्रकाश विष्ट बताउंछन् ।
सिसी क्यामेराको दीर्घकालीन व्यवस्थापन कुन स्रोतबाट कसरी गर्ने भन्ने योजना बिना सिसी क्यामेराहरू जडान गरिएका कारण मर्मत सम्भारमा समस्या उत्पन्न भएको सरोकारवाला को भनाई छ ।
