_1716264055.jpeg)
_1723043321.jpg)
_1723043267.png)
छठ महिला मञ्च बिर्तामोडले मुसहर बस्तीका महिलाहरुलाई निशुल्क चुरा तथा मेहन्दी वितरण गरेको छ । आज बिर्तामोड ३ स्थित मुसहर बस्तीका महिलालाई मञ्चले चुरा तथा मेहन्दी प्रदान गरेको हो ।
साउनमा अधिकांश महिलाका हात मेहन्दी र रातो, हरियो, पहेँलो चुराले सजिएको हुन्छ । नेपाली परम्पराअनुसार साउनलाई विशेष महत्त्वको महिना मानिन्छ । तर आर्थिक अभावकै कारण चुरा त मेहन्दी किन्न नसक्ने समुदायका महिला अझै पनि हाम्रै समाजमा रहेका छन् ।
उनीहरुलाई लक्षित गरि सहयोग गरिएको छठ महिला मञ्च बिर्तामोडको अध्यक्ष निशा शाह गुप्ताले बताइन । मेहन्दी र चुराले मुसहर महिलाको मुहारमा हांसो देख्दा आफुहरु खुसी भएको गुप्ताको भनाई छ । कार्यक्रममा महिलाहरुलाई मेहन्दी समेत लगाइएको थियो । साथै मञ्चले उनीहरुलाई दहि चिउरा समेत वितरण गरेको थियो ।
बिर्तामोड नगरपालिकाको पूर्व कार्यपालिका सदस्य द्रौपदी गणेशको प्रमुख आतिथ्य तथा मञ्चको अध्यक्ष निशा गुप्ताको अध्यक्षतामा भएको कार्यक्रममा स्वागत मञ्चको उपाध्यक्ष निशा कर्णले गरेकी थिइन ।
मञ्चको बरिष्ठ उपाध्यक्ष संगिता शाहले औचित्माथि प्रकाश पारेको कार्यक्रमको सञ्चालन मञ्चको महासचिव रेनुका महत्तोले गरेकी थिइन ।
महिलाहरुलाई आज प्रदान गरिएको आवश्यक मेहन्दी र चुरा बिर्तामोड स्थित अप्सरा चुरा पसलको सञ्चालक सुरज र अन्जली शाहले निशुल्क उपलब्ध गराएको मञ्चले जनाएको छ ।
