बिर्तामोड : झापाको दमकबाट पेस्तोलसहित एकजना युवालाई प्रहरीले नियन्त्रणमा लिएको छ ।
झापा प्रहरीले आज बिहान ०३ः५५ बजे दमक ५ वानेश्वर हाइट मार्ग जाने भित्री सडक खण्डमा विशेष सूचनाको आधारमा खानतलासी गर्दा पेस्तोल सहित दमक ८ बस्ने ३६ वर्षीय सञ्जीव गजमेर पक्राउ परेका हुन् ।
उनको साथबाट कभरसहितको पेस्तोल भेटिएको प्रहरीले जनाएको छ ।
गजमेरले लगाएको पेन्टको पछाडिको गोजीबाट नम्बर ०२ लेखिएको म्याग्जिन दुईथान पनि भेटिएको जिल्ला प्रहरी कार्यालय झापाले जनाएको छ ।
