बिर्तामोड ५ स्थित न्युटन्स् एजुकेशन एकेडेमीको प्राङगणमा लाखे नाच देखाइएको छ । मङ्लबार एक कार्यक्रमकाबिच न्युटन्स् टुरिजम क्लबको आयोजनामा विद्यालय परिसरमा रेड लाखे टिमले लाखे नाच प्रर्दशन गरेको हो ।
नेपाली कला, संस्कृति, पराम्पराको संरक्षण गर्दै लाखे नाच प्रव्रद्धनमा विद्यार्थी सहित सबै जुटनु पर्ने सन्देश प्रवाह गर्न विद्यालयमा लाखे नाच प्रदर्शन गरिएको प्रिन्सिपल देबेन्द्र हुमागांइले जानकारी दिए ।
नेवारी समुदायको परम्पराको विषयमा विद्यार्थीलाई जानकारी दिने उ्देश्यले कार्यक्रम आयोजना गरिएको शिक्षिका पवित्रा पौडेलले बताइन ।
परम्परागत संस्कार र संस्कृतिलाई जीवन्त राखी भावी पुस्तालाई जानकारी दिने उदेश्यले कार्यक्रम गरिएको उनको भनाई छ ।
यस्ता मौलिक तथा परम्परागत संस्कृतिको संरक्षण गरेर विश्व समुदाय माझ परिचित गराउंदै पर्यटन प्रवद्धन गर्न सके आर्थिक रुपले समेत देशले सम्बृद्धि हासिल गर्ने प्रिन्सिपल हुमागांइको भनाई छ ।
नागपञ्चमीका दिनदेखि सुरु भएको लाखे नाच कृष्ण जन्माष्टमीको भोलिपल्ट कृष्णले कङ्सलाई नाश गरेको दिनसम्म नचाउने प्रचालन रहँदै आएको छ ।
