झापा
लागूऔषध ब्राउनसुगरसहित दुई युवालाई प्रहरीले पक्राउ गरेको छ । प्रहरीले भद्रपुर नगरपालिका वडा न ७ बस्ने ३० वर्षीय सुनिल चौलागाँई र झापा गाउँपालिका वडा न ४ बस्ने २७ वर्षीय मोहम्मद अब्दुललाई प्रहरीले पक्राउ गरेको हो ।
प्रहरीका अनुसार गएराति ९ बजे इलाका प्रहरी कार्यालय कुमरखोदबाट खटिएको प्रहरी टोलीले झापा गाउँपालिका वडा नं ४ मा को २० प ९१६१ नम्बरको मोटरसाइकल पार्किङ गरी बसिरहेको अबस्थामा दुवैलाई पक्राउ गरेको हो ।
शंका लागेर चेकजाँच गर्दा चौलागाँईको पाइन्टको गोजीबाट प्लाष्टिकसहित १ ग्राम २२० मिलिग्राम ब्राउनसुगर फेला परेको थियो । दुवैलाई नियन्त्रणमा लिई थप अनुसन्धान कार्य जारी रहेको जिल्ला प्रहरी कार्यालयले जनाएको छ ।
