_1750128007.jpg)
बिर्तामोड ।
झापाको बिर्तामोडमा खुल्ला अन्तर डोजो कराँते च्याम्पियनसीप हुने भएको छ । पहिलो पटक भिक्ट्री मार्सल आट्र्र्स एण्ड एकेडेमीको आयोजनामा आगामी भदौ २० गते बिर्तामोडमा प्रतियोगिता गर्न लागिएको आज शुक्रवार आयोजित पत्रकार भेटघाटमा जानकारी दिइयो ।
बिर्तामोडस्थित भिक्ट्री मार्सल आट्र्र्स एण्ड एकेडेमीको हलमा आयोजित पत्रकार भेटघाटमा खेलकूदको विकास र युवा खेलाडीहरुको प्रतिभालाई उजागर गर्ने उदेश्यले प्रतियोगिता आयोजना गरिएको एकेडेमीका अध्यक्ष सूर्यबहादुर थापाले जानकारी दिए ।
स्थानीय युवा खेलाडीहरुलाई राष्ट्रिय प्रतियोगिताका लागि तयार पार्ने, कराँते खेलको विकास र प्रवद्र्धन गर्ने, युवाहरुलाई खेलकूदमा सहभागी गराउन प्रोत्साहन गर्ने, स्वास्थ जीवनशैलीको महत्वोबारे जनचेतना फैलाउने उदेश्य अनुरुप प्रतियोगिताको आयोजना गरिएको थापाले जानकारी दिए ।
_1736908732.jpg)
प्रतियोगितामा १४ बर्षमुनिका ३५ केजीसम्म समुहका ६४ जना खेलाडीले सहभागीता जनाउने जनाइएको छ । प्रतियोगिता डब्लुकेएफ र एनकेएफको नियम अनुसार खेलाइने छ । कुनैपनि क्लवबाट ४ जनाले मात्र प्रतियोगितामा भाग लिन सक्नेछन् । यस प्रकारको प्रतियोगिता नेपालमै पहिलो पटक हुन लागेको आयोजकको भनाई छ ।
प्रतियोगितामा प्रथम हुनेले नगद ५१ हजार, दोस्रो हुनेले नगद २५ हजार र तेस्रो र चौथो हुनेले नगद ११÷११ हजार रुपैयाँसहित मेडल, शील्ड, ट्रफी र प्रमाणपत्रहरु पाउने बताइएको छ । प्रतियोगिता भिक्ट्री मार्सल आट्र्र्स एण्ड एकेडेमीमै हुनेछ । प्रतियोगितामा सहभागीताका लागि दर्ता गर्नसमेत प्रत्यक क्लवलाई आव्हान गरिएको छ । यो नगद पुरस्कार स्वंम खेलाडिले लान पाउने आयोजकले जनाएको छ । अन्य प्रतियोगितामा बिजेताले स्वंम रकम लाउन नपाउने क्लबले लिने ब्यवस्था हुंदै आएको छ । तर यसमा स्वंम खेलाडिले नै लान पाउने भएका कारण खेलाडिलाई उर्जा प्राप्त हुने आयोजकले जनाएको छ ।
प्रतियोगिता सम्पन्न गर्न करिव ७ देखि ८ लाख रुपैयाँ खर्च हुने आयोजकले जनाएको छ । बिर्तामोड–४ वडा कार्यालय र अभिभावकहरुसहित खेलप्रेमीहरुको प्रतियोगिता सम्पन्न गर्न सहयोग गरेको आयोजकले जनाएको छ । बिर्तामोड–४ का वडा सदस्य केशव श्रेष्ठको प्रमुख आतिथ्यतामा भएको पत्रकार सम्मेलनमा , एकेडेमीका सञ्चालक मुकेश गजमेर सहित अभिभावकहरुको उपस्थिति रहेको थियो । कार्यक्रमको सम्मेलनको सहजिकरण पत्रकार पुष्प खड्काले गरेका थिए ।
