नेपाल अलैंची व्यवसायी महासंघको नवौँ साधारणसभा तथा पाँचौँ महाधिवेशन सम्पन्न

नेपाल अलैंची व्यवसायी महासंघको नवौँ साधारणसभा तथा पाँचौँ महाधिवेशन  सम्पन्न भएको छ । आज झापाको विर्तामोडमा साधारणसभा तथा अधिवेशन सम्पन्न भएको हो। 

कार्यक्रमका प्रमुख अतिथि कोशी प्रदेशका मुख्यमन्त्री हिक्मत कुमार कार्कीले  एक कार्यक्रमका बीच साधारणसभाको  पानसमा बत्ती बालेर उद्घाटन गरेका थिए । 

कार्यक्रममा नेपाल अलैंची व्यवसायी महासंघका केन्द्रिय  अध्यक्ष  निर्मल भट्टराईले नेपालमा अलैंची खेतीको अवस्था र अन्तराष्ट्रिय वजारमा अलैंचीको माग, मुल्य, किसानका समस्या , विरुवा, प्राविधिकको समस्याका बारेमा धारणा राखेका थिए । 

उनले जलवायु परिवर्तन र रोग किराको प्रकोप , सिंचाइ कारण अलैंची खेती विस्तार र उत्पादनमा  ह्रास आइरहेको   बताएका छन् । 

कार्यक्रमलाई सम्बोधन गर्दै मुख्य मन्त्री कार्कीले नीति तथा प्रयोजनका आधारमा उद्यम गर्न चाहनेलाई कोशी प्रदेश सरकारले  ३० लाख देखि ३ करोड सम लगानी गर्ने योजना बनाएको जनाएका हुन्।  साना तथा मझौला उद्योगलाई ८ अर्ब  ऋण प्रवाह गर्ने समेत उनले बताए। 

उनले कोशी प्रदेशका ४ हजार प्रदेशका कर्मचारी रहेको बताउँदै  कोशी प्रदेशमा बनेको कपडा लाउन प्रोत्साहन गर्ने समेत बताए । कोशी प्रदेशलाई  कफी जोन बनाइने समेत बनाए। 

उनले किसानलाई कफी खेती गर्न प्रोत्साहन गर्न अर्को वर्ष कफीको विरुवामा  अनुदान दिने र  ब्राण्ड गरेर   कोशी कफी नाम दिएर वाह्य पठाउने योजना रहेको सुनाए। 

अधिवेशनले नयाँ नेतृत्व चयन गर्ने  छ । कार्यक्रममा विजय खाकी उत्कृष्ट किसान पुस्कार ताप्लेजुङ जिल्लाका  विदुर तिवारी , उत्कृष्ट व्यवसायी सम्मान स्व देवी प्रसाद भटराईको स्मृतिमा स्थापना भएको  सम्मान  रोशन लाल अग्रवाललाई  माया भटराई र प्रमुख अतिथि मुख्य मन्त्री कार्कीले प्रदान गरेका थिए। त्यस्तै अलैंची व्यवसायी  महसंघ उत्कृस्ट शाखाको रुपमा संखसभा  जिल्ला लाई प्रदान गरिएको थियो । सो पुरस्कार शाखा प्रमुख  कुमार श्रेष्ठले ग्रहण गरेका थिए।  

त्यस्तै उत्कृस्ट निर्यातकर्ता पुरस्कार  ओमकृष्ण बिमली ,उत्कृष्ट कर्मचारी सम्मान कार्यालय प्रमुख अनिल ढुङगाना ,सहज कार्यक्रमको टिम लिडर रिमा श्रेष्ठ लाई नगद सहित दोसल्ला ओढाएर सम्मानपत्र सहित सम्मान गरिएको थियो । 

त्यस्तै महासंघको अक्षयकोष कालगि  सुनिता खाकीले १ लाख १ हजार प्रदान गरेकी थिइन ।

महासंघका अध्यक्ष निर्मल भट्टराईको अध्यक्षतामा भएको कार्यक्रमको सञ्चालन महासचिव नारायण प्रसाद चिमरियाले गरेका थिए।

कार्यक्रममा अलैची खेतीका विषयमा सम्पूर्ण जानकारी समावेश गरिएको पुस्तकको समेत विमोचन गरिएको थियो।