_1750128007.jpg)
नेपाल अलैची व्यवसायी महासङ्घको केन्द्रीय अध्यक्षमा दीपक नेपाल निर्वाचित भएका छन्।
महासङ्घको हिजो झापाको बिर्तामोडमा सम्पन्न नवौं साधारण सभा तथा पाँचौं अधिवेशनबाट ३ बर्षे कार्यकालका लागि नेपाल सर्वसम्मत चयन भएका हुन् ।
नेपाल महासङ्घको संस्थापक द्धितीय उपाध्यक्ष तथा वरिष्ठ उपाध्यक्षसमेत हुन्।
लामो समयदेखि अलैचीको व्यापार व्यवसायमा संलग्न नेपाल पाँचथरको फिदिम निवासी हुन्।
_1736908732.jpg)
त्यसैगरीमहासङ्घको वरिष्ठ उपाध्यक्षमा नारायणप्रसाद चिमरिया सर्वसम्मत चयन भएका छन्। उनी वर्तमान महासचिव हुन्।
यसैगरी उपाध्यक्षमा सुजित वंशल, मातृका घिमिरे र महिला उपाध्यक्षमा कुसुम दाहाल निर्वाचित भएका छन्। सचिवमा सजिंव घिमिर र प्रेमकुमार राई त्यसैगरी कोषाध्यक्षमा रामकृष्ण बिष्ट निर्वाचित भएको निर्वाचन अधिकृत रोहित काफ्लेले जानकारी दिए।
त्यसैगरी महिला सदस्यहरूमा माया गुरुङ, सुमित्रा भट्टराई ,संगीता चिमरिया निर्वाचित भएका छन् ।
खुल्ला सदस्यहरूमा राजकुमार सापकोटा, रविन्द्र खड्का , डिल्ली कुमार न्यौपाने, नरेश कुमार अग्रवाल, शत्रुघन चौधरी निर्वाचित भएका छन् ।
त्यसैगरी प्रदेश संयोजकहरूमा बागमती प्रदेशमा धनपति पोखरेल ,कोशी प्रदेशमा बालमणि बराल निर्वाचित भएका छन् ।
निर्वाचन समितिको संयोजक रुद्र भुर्तेलले निर्वाचित कार्यसमिति तथा पदाधिकारीलाई प्रमाणपत्र वितरण गर्नुका साथै खादामाला लगाएर बधाई ज्ञापन गरिएको थियो।
कार्यक्रममा पूर्व अध्यक्ष तथा निवर्तमान अध्यक्ष निर्मल भट्टराई लगायतले उनीहरुलाई सफल कार्यकालको शुभकामना समेत व्यक्त गरेका थिए । उद्घाटन समारोहलाई कोशी प्रदेशका मुख्यमन्त्री हिक्मतकुमार कार्कीले सम्बोधन गरेका थिए।
