इप्रका दमकबाट लुटिएको हतियार र गोली पाँचथरमा फेला

मंसिर ३, २०८२
साझा अनलाइन

इलाका प्रहरी कार्यालय दमकबाट लुटिएको हतियार र गोली पाँचथरबाट प्रहरीले फेला पारेको छ । गत भदौ २४ गतेको जेनजी आन्दोलनका क्रममा इप्रका दमक तोडफोड तथा आगजनी पश्चात लटिएको दुई थान हतियार आज फेला परेको हो । इप्रका दमकबाट खटिएको प्रहरी टोलीले पाँचथरको आरुबोटे लामागाउँ स्थित ओडारबाट एक थान इन्सास र एक थान थ्री नट थ्री राइफल र ४ राउण्ड गोली फेला पारेको हो ।

इलाका प्रहरी कार्यालय दमक तोडफोड तथा आगजानी गरी लुटपाट गरी साईकलमा प्रहरीको हतियार बोकी हिडीरहेको भिडियोको आधारमा प्रहरीले

दमक नगरपालिका वडा नं ६ बाट जिल्ला पाँचथर मिक्लाजुङ गा.पा. वडा नं ३ बस्ने बुद्धिमान फियाक (लिम्बु) को छोरा बर्ष २२ को सुशिल फियाक (लिम्बु) लाई पक्राउ गरे पश्चात हतियार बरामद भएको प्रहरी स्रोतले जानकारी दिएको छ ।

जिल्ला प्रहरी कार्यालय पाँचथरसँग समन्वय गरी इप्रका दमकबाट प्रहरी निरीक्षक नबिन राईको कमाण्डमा गएको टोलीले निम्न हातहतियार तथा गोलीगठ्ठाहरु बरामद गरी दमक तीर ल्याउंदै गरेको प्रहरी स्रोतले जनाएको छ । इप्रका दमकले जेनजी आन्दोलनमा क्रममा हराएका तथा लुटिएका हतियार र आगजनी र तोडफोडमा संमलग्नको खोजी कार्य तिब्र बनाएको छ ।