प्रणामी धर्मको संस्थापक सदगुरू श्री देवचन्द्रजी महाराज एवंम शिस्य मेहेराज ठाकुर ( प्राणनाथजी ) महाराजको मिलाप भएको दिनको सम्झनामा बिर्तामोडमा मिलाप कार्यक्रम गरिएको छ ।
झापाको बिर्तामोड ४ स्थित श्री प्राणनाथ सामुदायिक सत्सङ्ग भवनमा सदगुरू श्री देवचन्द्रजी महाराज एवंम शिस्य मेहेराज ठाकुर (प्राणनाथजी ) महाराजको मिलाप भएको दिनको सम्झनामा आज शनिबार कार्यक्रम सम्पन्न भएको छ ।
श्री कृष्ण प्रणामी युवा परिषद नेपाल जिल्ला कार्यसमिति झापा प्रारम्भिक समिति श्री सदगुरू सामुदायिक सत्संग भवन भद्रपुर एवंम श्री प्राणनाथ सामुदायिक सत्सङ्ग भवनबिच मिलाप कार्यक्रम गरिएको हो ।
_1736908732.jpg)
लयप्रसाद कडरियाको अध्यक्षता तथा युवा परिषद केन्द्रीय उप महासचिव तथा प्रणामी व्यवसायी संघको टहलदास ओलीको प्रमुख आतिथ्यतामा भएको कार्यक्रममा श्री प्राणनाथ सामुदायिक सत्सङ्ग भवनका युवा परिषदका उपाध्यक्ष मिलन शिवाकोटीले स्वागत गरेको थिए ।
कार्यक्रममा प्रमुख अतिथि टहलदास ओली, प्रणामी धर्मको तिर्थ नौतनपुरी बाट पालेका सन्त चन्द्र प्रसाद पण्डित लगायतले शुभकामना ब्यक्त गरेका थिए ।
युवा परिषदका सचिव दिलिप उप्रेतीले सञ्चालन गरेको कार्यक्रममा सारेगम लिटल च्याम्पका दोस्रो रनअप संस्कार सापकोटालाई सम्मान गरिएको थियो ।
सदगुरू भवन भद्रपुरका अध्यक्ष नारायण प्याकुरेलले ओेैचित्यमाथि प्रकाश पारेको कार्यक्रममा उलेख्य मात्रामा प्रणामी धर्मावलम्बिहरूको उपस्थिति रहेको थियो । टहलदास ओली युवा परिषद अध्यक्ष हुँदा सुरू भएको मिलाप कार्यक्रम बर्षेनी गरिंदै आएको छ ।
