बिर्तामोड
रोट्र्याक्ट क्लब अफ बिर्तामोडको आयोजनामा बिर्तामोडमा एक दिने मानसिक स्वास्थ्य सचेतना कार्यक्रम गरिएको छ । बिर्तामोड २ स्थित निधि कलेजका विद्यार्थीलाई मानसिक स्वास्थ्य सचेतना प्रशिक्षण प्रदान गरिएको हो ।
स्वस्थ समाजका लागि मानसिक स्वास्थ्य आवश्यक पर्ने आवश्यकताबोध गर्दै रोट्र्याक्ट क्लब अफ बिर्तामोडको आयोजनामा सचेतना कार्यक्रम गरिएको अध्यक्ष सुशील थापाले जानकारी दिए ।
प्रशिक्षक डा. जेनी मण्डलले मानसिक स्वास्थ्यका आधारभूत पक्ष, तनाव व्यवस्थापनका उपाय तथा स्वस्थ मानसिक जीवनशैली जिउने विषयमा विद्यार्थीलाई प्रशिक्षण प्रदान गरेका थिए ।
_1736908732.jpg)
बिर्तामोड उद्योग वाणिज्य संघका पूर्वअध्यक्ष प्रकाश शिवाकोटीको प्रमुख आतिथ्यतामा भएको कार्यक्रममा , युवा फ्रन्टका अध्यक्ष अमरजित साह, निधि कलेजका प्रिन्सिपल रञ्जित कुमार साह लगायतको विशिष्ट आतिथ्यता रहेको थियो ।
