इलाममा आज शनिबार भएको सवारी दुर्घटनामा परी दुई जनाको ज्यान गएको छ । दुर्घटनामा परी इलाम नगरपालिका ९ गोलबस्ती बस्ने २६ बर्षका डेविट थापा मगर र माईजोगमाई गाउँपालिका १ नयाँबजार घर भई इलाम बजार बस्ने १८ बर्षका छेवाङ शेर्पाको मृत्यु भएको जिल्ला प्रहरी कार्यलय इलामका सुचना अधिकारी डिएसपी लक्ष्मी भण्डारीले जानकारी दिए ।
करीब ३ बजे मेचिराजमार्गको इलाम नगरपालिका ९ भञ्ज्याङ गोलाईमा झापाबाट इलाम तर्फ आउदै गरेको ट्रक र बिपरित दिशा तर्फ जादै गरेको स्कुटर दुर्घटना भएको थियोे ।
१ ०१ ००१ ख ४१०१ न.को ट्रक र प्रदेश १.०१.०१२ प ४८९९ न.को स्कुटर दुर्घटना हुँदा स्कुटरमा सवार मगरको पेटमा गम्भिर चोट र शेर्पाको टाउको र खुट्टामा गम्भिर चोट लागि दुबै जना गम्भिर घाईते भई उपचारको लागि जिल्ला अस्पताल इलाममा ल्याएकोमा उपचारको क्रममा डाक्टरले दुबै जना घाइतेलाई मृत घोषणा गरेको हो ।
ट्रक चालक इलाम नगरपालिका ५ बिब्ल्याटे बस्ने २५ बर्षका राम प्रसाद श्रेष्ठ जिल्ला प्रहरी कार्यलल इलामको नियन्त्रणमा रहेका छन् ।








































