झापा
केन्द्रीय कारागार काठमाण्डौबाट फरार एकजना कैदीलाई झापामा पक्राउ गरिएको छ । लागूऔषध र जाली नोट कारोबारी मुद्दाका कैदी झापा गाउँपालिका वडा नं ५ पन्थापारा बस्ने बर्ष ३० का ऐराजुल हकलाई झापा गाउँपालिका वडा न ४ भामटोलीस्थित आफन्त घरमा लुकिछिपि बसिरहेको अवस्थामा प्रहरीले पक्राउ गरेको हो ।
जेनजी आन्दोलनका क्रममा भदौ २४ गते केन्द्रीय कारागार काठमाण्डौबाट फरार भएका हकलाई इलाका प्रहरी कार्यालय कुमरखोदबाट खटिएका सई किरण मोक्तानको टोलीले पक्राउ गरि जिल्ला प्रहरी कार्यालय झापामा बुझाएको प्रहरीले जनाएको छ । पक्राउ परेका हकलाई आवश्यक कारवाहीको लागि सम्बन्धित कारागार पठाउने तयारी भइरहेको जिल्ला प्रहरी कार्यालय झापाले जनाएको छ ।
