इनरह्वील क्लब अफ विर्तामोड मिडटाउनको आयोजनामा आज लैङ्गिक हिंसा विरुद्धको सचेतना कार्यक्रम गरिएको छ । आज झापाको बिर्तामोडमा इनरह्वील क्लब अफ विर्तामोड मिडटाउनको आयोजना तथा भद्रपुर, अर्जुनधारा र मेचिनगर मिडटाउनको समन्वय एंवम नारी सन्चार गृह, बिरता जेसिज, प्रहरी, एकल महिला लगायतका संघ संस्थाको सहभागितामा कार्यक्रम गरिएको हो ।
सचेतना र्यालीमा अन्य सरोकारवाला निकायका विभिन्न संघ संस्थाका प्रतिनिधिको पनि सहभागिता रहेको थियो । र्यालीले बिर्तामोड बजार परिक्रमा गरेको थियो ।
कार्यक्रमको प्रमुख अतिथि अधिबक्क्ता एवंम अधिकारकर्मी कोपीला बस्नेतले संक्षिप्त कार्यक्रमलाई सम्बोधन गर्दै कुनै पनि व्यक्तिलाई महिला, पुरुष वा लैङ्गिक तथा यौनिक अल्पसङ्ख्यक भएकै कारणले गरिने शारीरिक, मानसिक वा यौनिक अल्पसङ्ख्यक भएकै कारणले गरिने शारीरिक, मानसिक वा यौनिक रूपले दिइने पीडा वा गरिने काम र व्यवहारहरू नै लैङ्गिक हिंसा रहेको बताईन ।
_1736908732.jpg)
उनले यस्ता हिंसा बिरूद्धको अभियान सधैं चलाउन आवश्यक रहेको बताईन । समाजमा कुनै किसिमका हिंसा हुन नदिनको लागि स्थानीय तह, प्रदेश सरकार र केन्द्र सरकारले आ आफ्ना कार्यक्रमहरू तय गर्नु आवश्यक रहेको बताईन ।
इन्टरनेट, सामाजिक सञ्जाल र डिजिटल उपकरणले सूचना आदानप्रदानलाई तीव्रता दिए पनि यो प्रविधिले हिंसालाई समेत बढवा दिंदै गएको इनरह्वील क्लब अफ विर्तामोड मिडटाउनको अध्यक्ष लुना बस्नेतले जानकारी दिइन ।
उनले समय परिवर्तनसंगै हिंसाका स्वरूपहरू पनि परिवर्तन हुँदै गएको बताईन । ‘सबै महिला र बालिकामाथि हुने डिजिटल हिंसाको अन्त्य गर्न जुट्न आवश्यक रहेको बताउंदै अध्यक्ष बस्नेतले ‘प्रविधिको सही प्रयोग गर्न सबैलाई अनुरोध गरिन ।
लैङ्गिक हिंसा दण्डनीय भएको र कानुनी उपचारको व्यवस्था भएकोले घर, समाजमा हुने कुनै पनि प्रकारका हिंसा सहेर नबस्न उनले आग्रह गरिन ।
