बिर्तामोड नगरपालिका वडा नम्बर २ ले वडा भित्र संचालित बिद्यालय लाई खेलकुद सामाग्री तथा बाल क्लब ब्यानर प्रदान गरेको छ ।
वडाले बाल मैत्री कार्यक्रम अन्तरगत बालबालिकाको खेलकुद क्षेत्रमा बालबालिका लाई प्रेरित गर्ने उदेश्यले सामाग्री प्रदान गरिएको वडाध्यक्ष किशोरकुमार पौडेलले जानकारी दिए ।
वडाले वडा भित्र संचालित रहेका बिद्यालयमा बाल क्लब गठन गरिएका सामुदायिक तथा संस्थागत बिद्यालय लाई सो सामाग्री हस्तान्तरण गरिएको वडाध्यक्ष पौडेलले बताए ।
उनले नगर भित्रका बालबालिका समान भएकाले एकरुप रुपमा कार्यक्रममा सहभागी गराईएको बताए । बालबालिका लाई फुटबल ,भलिबल ,ब्याटमिन्टन,चेस,लगायतका सामाग्री बितरण गरिएको वडा सचिब हिमा पोख्रेलले जानकारी दिईन ।
कार्यक्रममा कार्यपालिका सदस्य तिला गौतम ,सदस्य ओमनाथ गौतम ,बालबालिका तथा शिक्षा संचार मञ्चका संयोजक सरोज पौडेल ,सामाजिक अभियान्ता माधब खरेल ,रोहित राई लगायतको उपस्तिथि रहेको थियो ।
शुक्रबार वडाका पञ्चरत्न मा।बि , वीर अमरसिंह मा।बि , देबकुल ,बालकल्याण ,मोहनमाया ,साङ्वेद र निदि मा।बि मा बालबालिका लाई उक्त सामाग्री प्रदान गरिएको थियो । सोही कार्यक्रम अन्तर्गत साङ्वेद बिद्यालय बाट यस बर्षको एसईई परिक्षा उत्तीर्ण विद्यार्थी लाई बधाई तथा शुभकामना दिएका थिए ।
