काठमाडौं : अख्तियार अनुसन्धान दुरुपयोग आयोगले नापी कार्यालय भद्रपुर झापाका प्रमुख नापी अधिकृत दुर्गादास महर्जन विरुद्ध भ्रष्टाचार मुद्दा दायर गरेको छ ।
हाल नापी कार्यालय भद्रपुरमा कार्यरत नापी अधिकृत महर्जन सहित ८ जनाविरुद्ध आयोगले भ्रष्टाचार मुद्दा दायर गरेको हो ।
तत्कालीन चाबहिलका (हाल भद्रपुर नापी कार्यालय) का प्रमुख नापी अधिकृत मर्हजन सहित ८ जनाविरुद्ध भ्रष्टाचार आयोगले जग्गाको नक्सा आफूखुशी जोडेको र नक्सामा नभएको क्षेत्रफललाई कानूनविपरीत कित्ताकाट गरेको भन्दै मुद्धा दायर गरेको हो ।
नापी कार्यालय चाबहिलका तत्कालीन प्रमुख नापी अधिकृत दुर्गादास महर्जनसहित ८ जनाविरुद्ध विशेष अदातल काठमाडौँमा मुद्दा दायर गरेको हो ।
आयोगले महर्जनसहित, नापी अधिकृत रविशंकर पाण्डेय र सर्भेक्षक रामनारायण यादवले मूलपानी १ ख कि.नं. ७०८, ७०९, ६६६ र ८१३ को कित्ताकाट गर्ने क्रममा सरकारी कागजातको रुपमा चिनिने नक्सामा अनाधिकृतरुपमा कित्ताको आकारप्रकार परिवर्तन गरी नक्सा सच्याएको ठहर गरेको छ ।
उक्त कार्यमा मालपोत चाबहिलका तत्कालीन मालपोत अधिकृत विष्णुप्रसाद काफ्ले र नायव सुब्बा उत्तम कुँवर तथा झापाको कमल गाउँपालिका–२ का योगेन्द्र आचार्य , काठमाडौँ कागेश्वरी मनोहरा–९ का सिताराम अधिकारी र काठमाडौँ महानगरपालिका–९ का नविन दाहालको पनि संलग्नता रहेको अख्तियारले दाबी गरेको छ ।
आचार्य, अधिकारी र दाहालले टायल चेकबाट क्षेत्रफल बढी कायम गरी नक्सा तयार गर्ने कार्यमा नापी कार्यालय, चावहिलका कर्मचारीलाई परिवर्तित नक्साबमोजिमको क्षेत्रफल कायम गरी गलत लिखत पारित गर्न मतियारको रुपमा सहयोग पु¥याएको अख्तियारको ठहर छ ।
