मध्यपहाडी राजमार्गअन्तर्गत सिन्धुलीको गोलञ्जोर गाउँपालिका–७ लौकुनबाट बा१झ ७४६७ नम्बरको जीप सुनकोशी नदीमा खस्दा तीन जना बेपत्ता भएका छन् ।
काठमाडौँबाट खोटाङतर्फ जाँदै गरेको प्राविधिक शिक्षा तथा व्यावसायिक तालिम परिषद् (सीटीईभिटी)का कर्मचारी सवार बा१झ ७४६७ नम्बरको जीप नदीमा खसेको हो । जीपमा चार जना सवार रहेको र जीप चालक भने जिवितै नदीबाट बाहिर निस्कन सफल भएको प्रहरीले जनाएको छ ।
जीपमा चालकसहित सिटिभिटिका सहसचिव कृष्णबहादुर केसि, सहसचिव यम प्रसाद भुर्तेल र बिधुत प्रशिक्षक भानु पौडेल रहेको बताइएको छ । बेपत्ता भएका तीनै जनाको सुरक्षाकर्मी र स्थानीयले खोजी गरिरहेका छन् ।
