झापा । ‘बालश्रम रोकौं, सुनौलो भविष्यको बारेमा सोचौं’ भन्ने मूल नाराका साथ सोमबार काँकरभिट्टाका ९ वटा संस्थाले संयुक्त रुपमा प्रभातफेरी निकालेका छन् ।
मेहनत मजदुरी नगराऔं, सानो हातमा कलम थमाऔं । बालबालिकालाई पढाऔं, देश अन्धकार हुनबाट जोगाऔं । भविष्यका कर्णधार हुन् । बालश्रम विरुद्धको विश्व बालश्रम विरुद्धको अन्तर्राष्ट्रिय दिवस सफल पारौं लगायतका विभिन्न प्लेकार्ड सहित निस्किएको र्यालीले काँकरभिट्टा बजार परिक्रमा गरेको थियो ।
र्याली पछि आयोजित कार्यक्रमलाई सम्बोधन गर्दै मेचीनगर उपप्रमुख मीना उप्रेतीले बालबालिकालाई श्रममा लगाउनु कानूनी रुपमा दण्डनीय हुने बताइन् ।
मेची सामुदायिक सेवा केन्द काँकरभिट्टाका अध्यक्ष मुक्ति पौडेलको सभापतित्व रहेको कार्यक्रममा साना हातहरु नेपालका अध्यक्ष रमेश गुरुङलगायतले बोलेका थिए ।
कार्यक्रमको संयोजन इलाका प्रहरी कार्यालय काँकरभिट्टा, मेची सामुदायिक सेवा केन्द्र, माइती नेपाल, साना हातहरु नेपाल, आफन्त नेपाल, विश्वसेवा विस्तार संस्था, साहसी महिला नेपाल, शक्ति समूह, नेपालका लागि आवाज लगायतका संस्थाले संयुक्त रुपमा गरेका थिए ।
