नेपालीहरुको महान पर्व वडादशैं, तिहार तथा छठको अवसर पारेर झापाको बिर्तामोड स्थित सिटी सेन्टरले सामान खरिद गर्ने ग्राहकलाई पुरस्कार योजना ल्याएको छ ।
चार्डवाडलाई लक्षित गरी असोज १० देखि कार्तिक २१ गतेसम्म सिटी सेन्टर भित्र रहेका हरेक पसलबाट एकहजार रुपैयाँको सामाग्री खरिद गर्दा लक्की ड्र मार्फत पुरस्कार प्रदान गरिने जनाइएको छ ।
सामान खरिद गर्दा कुपन प्राप्त हुने र उक्त कुपनको आधारमा बम्पर उपहार अन्तरगत टिभिएस कम्पनीको स्कुटी सहितका बिभिन्न पुरस्कार प्रदान गरिने सीटी सेन्टरका सञ्चालक दिपेन्द्र राउतले जानकारी दिए ।
कुनैपनि पसलबाट एकहजार रुपैयाँको सामान खरिद गर्दा एउटा कुपन प्रदान गरिने र साप्ताहिक लक्की ड्र मार्फत एकजनालाई इन्डक्शन स्टोभ, तीन जनालाई गिफ्ट हेम्पर अन्तरगत आइरन र तीन जनालाई भित्ते घडी गरी ६ जनालाई सान्तवना पुरस्कार प्रदान गरिने सेन्टरका सञ्चालक दिपेन्द्र राउतले आइतवार (आज) पत्रकार भेटघाटमा जानकारी दिए ।
त्यस्तै सपिङ गरौं सिटी सेन्टरमा पुरस्कार पाऔं हजारमा भन्ने मुल नाराका साथ कार्तिक २१ गते लक्की ड्र मार्फत बम्पर उपहार अन्तरगत टिभिएसको स्कुटी एक जनालाई प्रदान गरिने पनि उनले बताए ।
उक्त स्कुटी पाथिभरा अटो लिंकले उपलब्ध गराउने बताइएको छ । ग्राहकको सुविधालाई ध्यानमा राखेर अफर ल्याइएको पनि उनले बताए ।
पत्रकार भेटघाटमा सिटी सेन्टरका अध्यक्ष जीपी पाण्डे, टिभिएस कम्पनीको मोटरसाइकलको बिर्तामोडको आधिकारीक बिक्रेता पाथिभरा अटो लिंकका सञ्चालक सजेश शिवाकोटी, सिटी सेन्टर सञ्चालक सदस्य सन्तोष थापा, जगदम्बा मोटर्सका तीथ रिजाललगायतको उपस्थिति रहेको थियो ।
