जामुनखाडी : जामुनावारी सामुदायिक बन उपभोक्ता समुह तथा जामुनखाडी सिमसार पर्यटकीय क्षेत्रको २७ औं बार्षिक साधारणसभा सम्पन्न भएको छ । सोमवार (आज) समुहको हलमा साधरणसभा गरिएको हो ।
वनका अध्यक्ष ख्यामराज सिटौलाको अध्यक्षता तथा कनकाई नगरपालिकाका नगरप्रमुख राजेन्द्रकुमार पोखरेलको प्रमुख आतिथ्य भएको कार्यक्रममा स्वागत समुहको उपाध्यक्ष बिष्णुप्रसाद ओलीले गरेका थिए ।
कार्यक्रममा सरस्वती माबि र पञ्चकन्या प्राबिका बिद्यार्थीलाई प्रोत्साहनकालागि नगदसहित स्टेशनरी सामाग्री प्रदान गरिएको थियो ।
त्यसै कार्यक्रममा सरला तामाङलाई उत्कृष्ट कर्मचारी र दुर्गादेबी ओलीलाई उत्कृष्ट उपभोक्ताको रुपमा सम्मान गरिएको थियो । साथै ओमनाथ भट्टराईलाई कदरपत्र प्रदान गरिएको थियो ।
कार्यक्रममा समुहका कोषाध्यक्ष यशुनाथ अधिकारीले आर्थिक प्रतिवेदन, कार्यालय सचिव अम्बरबहादुर चौहान (मिलन) ले बार्षिक अनुमानित बजेट प्रस्तुत गरेका थिए ।
कार्यक्रममा नगर प्रमुख तथा प्रमुख अतिथि पोखरेल, कनकाई २ का वडाध्यक्ष बलराम राई, कनकाई बिहानी क्लबका अध्यक्ष मनोज बस्नेत, कनकाई वडा न १ कि जनप्रतिनिधि निर्मला खड्का, सम्मानित व्यक्तिहरुको तर्फबाट ओमनाथ भट्टराईलगायतले शुभकामना मन्तव्य राखेका थिए । कार्यक्रमको सञ्चालन समुहको सचिब मनिता राई र सह–सचिव पुजन बाह्रकोटीले गरेका गरेका थिए ।
