इलाम क्षेत्र नम्बर एकमा नेकपा एमालेका महेश बस्नेत निर्वाचित भएका छन्। उनी नेकपा एकीकृत समाजवादीका नेता एवम् पूर्वप्रधानमन्त्री झलनाथ खनाललाई हराउँदै निर्वाचित भएका छन् ।
इलाम–१ मा खनाललाई उनले २ हजार ९५७ मतान्तरले पराजित गरेका हुन । ६२ वर्षीय बस्नेत नेकपा एमाले इलामका अध्यक्ष हुन ।
उनी २०७४ को स्थानीय तह निर्वाचनमा इलाम नगरपालिकाको प्रमुखमा निर्वाचित भएका थिए । खनाल यो क्षेत्रबाट ०५६ बाहेक सवै निर्वाचनमा जित हासिल गर्दै आएका थिए ।
तर गठबन्धन समर्थनमा उम्मेदवार रहेका उनी यो पटक पारजित भएका छन । ७२ वर्षीय खनाल एकीकृत समाजवादीका सम्मानित नेता हुन । उनी २०६५ मा एमाले अध्यक्ष तथा २०६७ मा प्रधानमन्त्री समेत भएका थिए । उनी २०४७ र २०५३ मा एमाले सांसदको रुपमा मन्त्री भएका थिए ।
