बिर्तामोड : झापाको बिर्तामोड स्थित सुगम पेट्रोल पम्प उत्तर पट्टि नैवेद्य फेमली रेष्टुरेन्ट सञ्चालनमा आएको छ ।
गणपति बे्रकर्स प्रालिको सफलतासँगै ग्राहकको मागलाई ध्यानमा राखेर रेष्टुरेन्ट सञ्चालनमा ल्याइएको आइतवार पत्रकार भेटघाटमा सञ्चालक राजु ढकालले जानकारी दिए । तर रेष्टुरेन्टको सोमवार (भोली) उद्घाटन गरिने उनले बताए ।
बिर्तामोडमा गणपत्ती बेकरीसंगै नैवेद्य फ्याम्ली रेष्टुरेन्ट र दमकमा केकज्याक सञ्चालन गरिएको उनले जानकारी दिए ।
मंसिर १२ उद्घाटन हुने रेष्टुरेन्टको मंसिर १७ गतेसम्म उद्घाटन समारोह रहने सञ्चालक ढकालको भनाई छ । रेष्टुरेन्टमा ग्राहकको स्वास्थ्यलाई मध्यनजर गरी गुणस्तरीय ,स्वच्छ रुपमा तयार गरिएका खाजा तथा खाना, पेय पदार्थ उपलब्ध हुने जनाइएको छ ।
सन् २००७ मा अस्टेलिया गएर ब्रेकरीमा काम गरेको र त्यहाँ सिकेको सीपलाई नेपालमा प्रयोगमा ल्याएको ढकालले बताएका छन् ।
एक करोड ५० लाख रुपैयाँको लगानीमा रेष्टुरेन्ट सञ्चालनमा ल्याएको सञ्चालक ढकालले बताएका छन् । होटलमा भेज तथा नन–भेज खाना तथा नास्ता उपलब्ध हुने जनाइएको छ ।
