बिर्तामोड : बिर्तामोड १ की बिमला गौतमले लक्की ड्र कुपनमा टिभिएस कम्पनीको स्कुटी पुरस्कार हात पारेकी छन् । बिर्तामोड सिटी सेन्टरले संचालन गरेको लक्की ड्र कुपनमा गौतमले स्कुटर जितेकी हुन् ।
दशै तिहारको अवसर पारेर सिटी सेन्टरले आयोजना गरेको उपहार योजनाको नतिजा आज आइतबार सार्वजनिक गरिएको हो ।
‘सपिङ गरौं सिटी सेन्टरमा, पुरस्कार पाऔं हजारमा’ भन्ने मुल नाराका साथ आयोजना गरिएको योजनाको नतिजा सार्वजनिक गर्दा लक्की ड्र मार्फत कुपन नम्बर १०५५५ कि बिमला गौतमले टिभिएसको स्कुटी पुरस्कार प्राप्त गरेको सिटी सेन्टरका सञ्चालक दिपेन्द्र राउतले जानकारी दिए ।
त्यस्तै लक्की सेभेन पुरस्कार पनि विभिन्न सात जना विजेताले जितेका छन् । मिना बस्नेतले कुपन नं ११०३१ र ११०३२ मा इन्डक्सन चुल्हो र आइरन गरी दुईवटा पुरस्कार पाएकी छन् । त्यस्तै ३६८५ नं को कुपन भएकी तुलसा सिलवाल र २२६३ नं को कुपन भएकी हरिमाया पराजुलीले आइरन पाउँदा ४००२ नं को कुपन भएकी युविना लिम्बू ,७७५२ नं को कुपन भएका पवन गौतम र तुलसादेवी पौडेलले घडी पाएको सिटी सेन्टरका अर्का संचालक हिमाल प्रसाईले बताए ।
दशै तथा तिहारको अवसर पारेर गत असोज १० गतेदेखि शुरु गरिएको पुरस्कार योजना मंसिर १७ गतेसम्म चलेको थियो । सिटी सेन्टर भित्र रहेका हरेक पसलबाट सामान खरिद गर्ने ग्राहकले एक हजार रुपैयाँको सामाग्री खरिदमा एउटा कुपन, ३ हजारको खरिदमा ४ वटा कुपन र ५ हजारको खरिदमा ७ वटा कुपन दिइएको थियो ।
सिटी सेन्टरका सञ्चालकहरु दिपेन्द्र्र राउत, हिमाल प्रसाई सन्तोष थापा सहित ग्राहक तथा व्यवसायीहरुको उपस्थिति रहेको थियो ।
