बिर्तामोड : झापाको मेचिनगर ९ स्थित धुलाबारीमा रहेको हिमालयन इङ्लिस हाई स्कुल जिल्लास्तरीय नृत्य प्रतियोगितामा प्रथम भएको छ ।
निजी तथा आवासीय विद्यालय अर्गनाइजेशन नेपाल प्याव्सनको आइतबार सम्पन्न जिल्ला स्तरिय नृत्य प्रतियोगितामा हिमालयन इङ्लिस हाई स्कुल प्रथम भएको हो । कक्षा ६ देखि ८ सम्मका विद्यार्थी बिच भएको प्रतियोगिता हिमालयन प्रथम भएको स्कुलका निर्देशक धनराज थापाले जानकारी दिए ।
प्रथम भएको सो नृत्यको प्रशिक्षकमा विक्रम गेलाल र सागर राजवंशी रहेको विद्यालयका प्रिन्सिपल कमल नेपालले जानकारी दिए ।
हिमालयन यसअघि मेचीनगरस्तरीय नृत्य प्रतियागितामा पनि प्रथम हुँदै जिल्लास्तरीय प्रतिस्पर्धाका लागि छनोट भएको स्कुलकी प्रमुख प्रशासक रिना थापाले जानकारी दिइन् ।
शैक्षिक विकासमा निरन्तर लागिरहेको सो विद्यालय विगत २ वर्षदेखि नयाँ व्यवस्थापनमा सञ्चालन हुँदै आएको छ ।
अझ नयाँ जोश र जागरका साथ विद्यार्थीको सर्वाङ्गीण विकासमा लाग्दै आइरहेको हिमालयन अन्य अतिरिक्त क्रियाकलापमा पनि अब्बल रहँदै आएको छ ।
