शनिश्चरे : अर्जुनधारा प्रेस क्लबको अध्यक्ष पदमा रमेश समदर्शी राई सर्वसम्मत चयन भएका छन् । क्लबद्वारा शनिबार अर्जुनधारा नगरपालिका – ८ सातपत्रे स्थित क्लबको जग्गामा आयोजित प्रथम साधारणसभाबाट समदर्शी राई अध्यक्ष पदमा सर्वसम्मत चयन भएका हुन् । राई न्यूज सञ्जाल डटकमका सम्पादक तथा सञ्चालक हुन् ।
साधारणसभाले नयाँ कार्यसमितिको उपाध्यक्षमा प्रेम आचार्य ,सचिवमा नरेश खाती ,सहसचिवमा उद्वव पुरी र कोषाध्यक्षमा पुष्पा जवेगुलाई चयन गरेको छ ।
त्यसैगरी सदस्यहरुमा विष्णु श्रेष्ठ , दिपक ढुंगाना ,मनिता योञ्जन , सुजाता ढुंगाना ,पुरुषोत्तम पौडेल र तिलक योञ्जन चयन भएका छन् । ३ बर्षे कार्यकाल रहने लेखा समितिको संयोजकमा राजन साङपाङ र सदस्यहरु अनिता विष्ट र गणेश थापा चयन भएका छन् ।
प्रेस क्लबका अध्यक्ष कुमार भट्टराईको सभापतित्व तथा अर्जुनधारा नगरपालिकाका मेयर बलदेवसिंह गोम्देनको प्रमुख आतिथ्यता रहेको साधारणसभामा प्रमुख अतिथि गोम्देनले शुभकामना राख्दै क्लबको भवन निर्माण गर्नका लागि आफ्नो कार्यालयबाट सक्दो सहयोग गर्ने प्रतिवद्धता गरे ।
सचिब प्रेम आचार्यले सञ्चालन गरेको कार्यक्रममा विशिष्ट अतिथि एवं अर्जुनधारा नगरपालिका –८ का वडा अध्यक्ष कुमार प्रसाद उप्रेती, जग्गादाता कृष्ण बराल लगायतले शुभकामना मन्तव्य राखेका थिए ।
