बिर्तामोड : कटुवाल कल्याण कोषको दोस्रो साधारणसभा झापाको बिर्तामोडमा सम्पन्न भएको छ । कोषका अध्यक्ष रामबहादुर कटुवालको अध्यक्षतामा तथा कोषका आजीवन सदस्य कृष्णबहादुर कटुवालको प्रमुख आतिथ्य भएको कार्यक्रममा स्वागत कोषका सदस्य डम्बर कटुवालले गरेका थिए ।
कार्यक्रममा जेष्ठ सदस्यका रुपमा पर्शुराम कटुवाल र लक्ष्मी कटुवाललाई सम्मान गरिएको थियो भने कोषको सर्वउत्कृष्ट दाताका रुपमा कोषका उपाध्यक्ष हर्कबहादुर कटुवाललाई सम्मान गरिएको जनाइएको छ ।
अध्यक्ष रामबहादुरले कोषको प्रगति प्रतिवेदन प्रस्तुत गरेका थिए । कार्यक्रममा सिटिजन लाइफ इन्स्योरेन्स कम्पनी बिर्तामोड शाखा प्रमुख जमुना कटुवाल, कमल गाउँपालिका वडा नं. १ का वडाध्यक्ष केदार कटुवाल, कोषका आजीवन सदस्य तथा कटुवाल बंश बाटिकाका सल्लाहकार मदनराज कटुवाल, कटुवाल बंश बाटिकाका अध्यक्ष मित्रबहादुर कटुवाल लगायतले शुभकामना मन्तव्य राखेका थिए ।
कार्यक्रमको सञ्चालन कोषका सदस्य रत्नबहादुर कटुवालले गरेका थिए । साधारणसभाले नयाँ नेतृत्व चयन गर्ने जनाइएको छ ।
