निजी तथा आवासिय विद्यालय अर्गनाइजेशन नेपाल (प्याव्सन) झापाले जिल्ला स्तरीय खेलकुद प्रतियोगिता गर्ने जनाएको छ ।
प्याब्सन झापाले आज बुधबार बिर्तामोड स्थित कार्यालयमा पत्रकार सम्मेलन मार्फत फागुन ६ गतेदेखि ८ गतेसम्म जिल्ला स्तरीय खेलकुद प्रतियोगिता गर्ने जानकारी दिएको हो ।
माघ २७ देखि फागुन ३ गतेसम्म भएको पालिका स्तरीय खेल प्रतियोगिताबाट छनौट भएका विद्यालयले जिल्ला स्तरीय ‘स्पोटर्स मिट’मा सहभागीता जनाउने जनाइएको छ ।
फुटबल, भलिवल, टेवलटेनिस, क्रिकेट सहितका अन्य बिधामा झापाका १४ पालिकाबाट छनौट भएका छात्र– छात्राले छुट्टा छुट्टै प्रतियोगितामा प्रतिस्पर्धा गर्ने प्याब्सन झापाका उपाध्यक्ष तथा खेलकूद उप–समिति संयोजक टीआर गौतमले पत्रकार सम्मेलनमा जानकारी दिए ।
उनका अनुसार प्याव्सन झापाको वार्षिक कार्यतालिका अनुसार ‘स्पोटर्स मिट’ को फाइनल तथा समापन गर्न लागिएको
प्याब्सन झापाका सचिव हरिकृष्ण पाठकले बताए । प्रतियोगिताका फाइनल खेलहरु शिवसताक्षी नगरपालिकाको दुधेस्थित खेल मैदानमा हुने बताइएको छ ।
विद्यार्थीहरुको पढाईसंगै खेलकुद क्षेत्रलाई समेत अगाडि बढाउने उद्देश्यले हरेक वर्ष खेलकुद कार्यतालिका बनाएर प्रतियोगिता गर्दै आइरहेको प्याव्सन झापाका सदस्य सुमन शर्मा जमरकट्टेलले जानकारी दिए ।
