दमक : नेकपा एमाले निकटको नेपाल खेलकुद महासंघ प्रदेश १ कमिटी अध्यक्ष तथा दमकका युवा व्यवसायी राजकुमार थापा, नेकपा (एमाले) दमक नगर कमिटी सदस्य एंवम झापा इटा उद्योग संघका अध्यक्ष गुणराज थापालाई मातृ शोक परेको छ ।
दमक २ स्थित बिरायत टोल निवासी उनीहरुको आमा इन्द्रमाया थापाको भारतको सिलगुढीमा उपचारको क्रममा यहि फागुन ५ गते निधन भएको हो । उनको निमोनिया कारण उपचारको क्रममा मृत्यु भएको जनाइएको छ ।
स्वर्गिय इन्दिराको मेघराज, सुर्यमणी , रुद्रविक्रम, गुणराज र राजकुमार गरी ५ जना छोराहरु ५ बुहारी रहेको जनाइएको छ । छोरीहरु जानुका खड्का, कृष्णमाया थापा र झुमा निरौला रहेका छन् ।
नाती नातीना २१ जना पनाती पनातीना १८ जना रहेको पनि परिवारले जनाएको छ । स्वर्गिय इन्द्रमाया थापाको जन्म १९९२ साल बैशाख २८ गते तेह्रथुम जिल्ला मोराहाङ्मा भएको पारिवारिक स्रोतले जनाएको छ । स्वर्गिय इन्दिरा थापाको पार्थिव शरिर फागुन ६ गते कन्काईमाईमा अन्तेष्टि गरिएको पनि पारिवारिक स्रोतले जनाएको छ ।
