राइटपाथ करियर काउन्सिलिङले झापाको बिर्तामोडमा शाखा सञ्चालनमा ल्याएको छ । काठमाडौंमा मुख्य कार्यालय रहेको राइटपाथले बिर्तामोड स्थित शनिश्चरेरोडमा आफ्नो ७ औं शाखा सञ्चालनमा ल्याएको हो । बिर्तामोड शाखाको उद्घाटन नायिका तथा ब्राण्ड एम्बासिडर पूजा शर्माले गरेकी छन् ।
बिदेश अध्ययनका लागि जाने बिद्यार्थीलाई उचित शैक्षिक परामर्श उपलब्ध गराउने हेतुले बिर्तामोडमा शाखा खोलिएको राइटपाथका संस्थापक फिलिप डिसीले आज बुधबार आयोजित पत्रकार भेटघाटमा जानकारी दिए ।
सन् २०१६ मा काठमाडौंबाट शुरु भएको राइटपाथको शाखा बानेश्वर, ललीतपुर, चितवन, दाङ, हेटौडा, बुटवल हुँदै बिर्तामोडमा आइपुगेको र निकट समयमा अन्यन्त्र पनि शाखा विस्तार गरिने जनाइएको छ ।
अध्ययनका लागि बिदेश जान चाहने विद्यार्थीलाई गुणस्तरीय सूचना तथा शिक्षा सहित परामर्श प्रदान गरिने बिर्तामोड शाखाका प्रबन्ध निर्देशक रविन पाठकले जानकारी दिए ।
राइटपाथले अस्ट्रेलिया, न्यूज्वल्याण्ड, क्यानाडा, युएसए, युके, जापान साथै बिभिन्न युरोपियन देशहरु अध्ययनका लागि जाने विद्यार्थीको नेतृत्व विकास गरी विदेश पठाउने, भाषा सिकाउने, अध्ययनका लागि भिषा प्राप्त गर्न अघि तथा भिषा प्राप्त गरिसकेपछि प्रशिक्षण सहित जानकारी गराउने बताइएको छ ।
