झापाको बिर्तामोडमा सञ्चालित चौथो कोशी प्रदेश स्तरीय खुल्ला व्याडमिटन प्रतियोगिताको खुल्ला तर्फको उपाधी संखुवासभाका पबिन लिङ्गखेप र सृजल पोख्रेलको जोडिले जितेको छ । लिङ्गखेप र पोख्रेलको जोडिले भोजपुरका विशाल तामाङ्ग र निश्चल खत्रीको जोडिलाई २५–२३ र २६–२४ को सोजो सेटमा हराएको हो ।
जीतसंगै पबिन लिङ्गखेप र सृजल पोख्रेलले नगद ५० हजार नगद सहित शिल्ड र प्रमाणपत्र प्राप्त गरेका छन् भने भोजपुरका विशला तामाङ र निश्चल खत्रिले भने नगद ३० हजार शिल्ड र प्रमाणपत्र प्राप्त गरेका छन । खुल्लातर्फमा नबिल सिलवाल र विवेक कन्दङवा विर्तामोडको जोडि यसै गरि मेची ब्याडमिन्टन क्लब काकरभिट्टाका प्रनिशसिंह ठकुरी र गौरभ दाहाल तेस्रो भएका छन् । तेस्रो दुवै समुहलाई नगद सात हजार ५०० नगद सहित मेडल र प्रमाणपत्र प्राप्त गरेका छन् ।
यता ४५ माथि भेट्रान्स तर्फ ताप्लेजुङ्गका मदन लिम्बु र घनेन्द्र लिम्बुले विर्तामोडका सञ्जय भक्तराज र रमेश प्रसाईलाई २१–१४ र २१ –१० को सोजो सेटमा हराउदै उपाधी जितेको छ । जितसंगै मदन लिम्बु र घनेन्द्र लिम्बुले नगद ३० हजार सहित मेडल र प्रमाणपत्र प्राप्त गरेका छन् भने सञ्जय भक्तराज र रमेश प्रसाईले नगद १५ हजार सहित मेडल प्रमाणपत्रमा चित्त बुझाउनु परेको छ ।
यता विर्तामोडका श्रीकृष्ण खड्का र राम अवतार घिमिरे यसै गरि सुनसरीका श्याम लामा र भजनलाल चौधरी तेस्रो भएका छन् । उनीहरुले नगद सात हजार ५०० मेडल र प्रमाणपत्र प्राप्त गरेका छन् ।
लायन्स क्लव अफ अनारमनी र लायन्स क्लव अफ बिर्तामोडको संयुक्त आयोजनामा सञ्चालित प्रतियोगिता कोशी प्रदेशका ८६ जना खेलाडिको सहभागिता रहेको थियो ।
