हालै अमेरिकामा भएको विश्व चिया सम्मेलन तथा मेला (वल्र्ड टि कन्फ्रेन्स– एक्सपो) मा नेपाली चिया प्रति सहभागिले चासो देखाएका छन् ।
खास गरी नेपालको पहाडी जिल्लामा उत्पादित अग्र्यानिक अर्थोडक्स चियाप्रति सहभागिहरुले रुची र चासो देखाएका हुन् ।
यहि गत २७, २८ र २९ मार्चमा भएको चिया सम्मेलनमा सहभागिले नेपाली चियाको स्वाद चाख्दै नेपाली चिया मन पराएको विश्व चिया सम्मेलनमा सहभागी भएका इलामका चिया उद्योगी समिर श्रेष्ठले जानकारी दिए ।
श्रेष्ठ इलामको फिक्कल ६ स्थित तारा गाउं टि स्टेटका सञ्चालक हुन् । श्रेष्ठ सुर्योदय चिया उत्पादक संघको प्रतिनिधित्व गर्दै विश्व चिया सम्मेलनमा अग्र्यानिक अर्थोडक्स चियाको अन्तराष्ट्रिय बजारमा प्रबद्र्धनकालागि सहभागि भएका हुन् ।
इलामको फिक्कल स्थित तारा गाउं टि स्टेटले तारा चियाबारीमा नामक अग्र्यानिक अर्थोडक्स चिया उत्पादन गर्दै आएको छ ।
मेलामा विश्वभरका एक लाखभन्दा बढी मानिसको सहभागिता रहेको थियो । नेपाली चियाका स्टलमा नेपाली चियाको स्वाद लिने र रुचि राख्नेहरुको भीड थियो ।
चिया मेलामा नेपालको प्रतिनिधित्व गर्दै राष्ट्रिय चिया तथा कफि विकास बोर्ड र विभिन्न चिया उद्योगका प्रतिनिधि सहभागी भएका थिए ।
गुणस्तर युक्त अग्र्यानिक अर्थोडक्स चिया उत्पादन गर्न सके विश्व बजारमा नेपाली चियाको बजार राम्रो हुने श्रेष्ठले बताए ।
