नेपाल राष्ट्रिय शिक्षक संगठन झापाले दर्जनौ शिक्षकहरुलाई सम्मान गरेको छ । संगठनको ४४ औं स्थापना दिवसको अवसरमा आज बुधबार शिक्षकलाई सम्मान गरेका हुन् ।
कार्यक्रममा दुर्गा मा.वि.का शिक्षक तथा अंग्रेजी भाषा शिक्षक संघ नेल्टा झापाका अध्यक्ष तथा केन्द्रीय सदस्य धर्मेन्द्र भट्टराई, कविशिरोमणी मा.वि.का शिक्षक तथा संगठनका पूर्व जिल्ला अध्यक्ष कृष्णप्रसाद अधिकारी, ढुकुरपानी मा.वि.का शिक्षक तथा पूर्व कोषाध्यक्ष नेत्रप्रसाद अधिकारी र धनुषा आ.वि.का शिक्षक तथा जिल्ला कमिटी सदस्य कमला शिवाकोटीलाई अभिनन्दन पत्रद्वारा सम्मान गरिएको हो ।
त्यसैगरी झापाका १५ पालिकाबाट दुई दर्जनबढी शिक्षकहरुलाई कदर पत्रद्वारा सम्मान गरिएको थियो । त्यसै गरी स्वेच्छिक तथा अनिवार्य अवकाश भएका दर्जनौ शिक्षकहरुलाई पनि सम्मानपत्र प्रदान गरिएको थियो ।
संगठनका झापा जिल्ला अध्यक्ष द्रोणबहादुर श्रेष्ठको अध्यक्षतामा सम्पन्न समारोहमा प्रमुख अतिथि संगठनका राष्ट्रिय उपाध्यक्ष सूर्यप्रसाद दाहाल संगठनका पूर्व केन्द्रिय सचिव हरिचरण बानियाँ, पूर्व अध्यक्ष नारायणप्रसाद गौतम, डम्बरबहादुर देउजा, जिल्ला शिक्षा विकास तथा समन्वय इकाइ झापाका प्रमुख राजकुमार विक लगायतले शुभकामना मनतब्य राखेको कार्यक्रमको सञ्चालन संगठनका जिल्ला सचिव लम्बोदर पौडेलले गरेका थिए ।
कार्यक्रममा अभिनन्दित हुनेहरूको तर्फबाट धर्मेन्द्र भट्टराई र कृष्णप्रसाद अधिकारीले पनि आ–आफ्नो भनाई राखेका थिए ।
कार्यक्रममा संगठनका सह –कोषध्यक्ष तिर्थ कोइरालाले स्वागत गरेका थिए ।
