नेपालमा एकजना कोरोना संक्रमितको मृत्यु भएको छ । यसअघि मंगलबार कोरोनाबाट दुई जनाले ज्यान गुमाएका थिए । पछिल्लो समय कोरोनाको संक्रमण बढेसँगै ज्यान गुमाउनेको संख्या पनि बढेको हो ।
अहिलेसम्म नेपालमा कोरोना सङ्क्रमण भएका १२ हजार २६ जनाको मृत्यु भइसकेको छ । पछिल्लो २४ घन्टामा एक सय छ जनामा कोरोना संक्रमण भएको छ । पीसीआर परीक्षणमा ६४ र एन्टिजेनमा ४२ जनामा संक्रमण पुष्टि भएको हो ।
४६ जना संक्रमित निको भएर अस्पतालबाट डिस्चार्ज भएका छन । अहिले देशभर ४ सय १४ जना सक्रिय संक्रमित छन् । संक्रमितमध्ये ३५ जना संस्थागत आइसोलेसनमा रहेका छन ।
सात जना आईसीयु र तीन जनाको भेन्टिलेटरमा उपचार भैरहेको छ । पछिल्ला केही दिनमा संक्रमितको संख्या बढदै गएको छ ।
