हालै सम्पन्न निर्यात व्यवसायी महासंघ नेपाल (फिन) को केन्द्रीय सदस्यमा निर्वाचित निर्मल भट्टराईलाई सम्मान गरिएको छ । आज शुक्रबार बिर्तामोडमा आयोजित एक कार्यक्रमकाबिच भट्टराईलाई नेपाल कुचो संघले सम्मान गरेको हो ।
नेपाल अलैंची व्यवसायी महासंघका केन्द्रिय अध्यक्ष समेत रहेका भट्टराईलाई नेपाल कुचो संघका केन्द्रिय अध्यक्ष राजकुमार कार्कीले सम्मानपत्रद्धारा सम्मान गरेका हुन् ।
फिनको दोस्रो अबिधेशनबाट केन्द्रिय सदस्य पदमा सर्वसम्मत भएका भट्टराईको सफल कार्यकालको कामना गर्दै बधाई सहित सम्मान गरिएको संघका अध्यक्ष राजकुमार कार्कीले जानकारी दिए ।
निर्यात जन्य बस्तुहरुको छाता संगठनको रुपमा रहेको फिनले निर्यात प्रबद्धन तथा अन्तराष्ट्रिय मार्केटमा नेपाली बस्तुको निर्यातकालागि लविङ गर्ने लगायतका काम गर्ने गर्छ ।
