शहीद स्मारक ए डिभिजन लिगमा त्रिभुवन आर्मीले चर्च ब्वाईज युनाईटेडलाई पराजित गरेको छ । दशरथ रंगशालामा शनिबार भएको खेलमा आर्मीले चर्च ब्वाईजलाई १–० ले हराएको हो ।
आर्मीको जितमा जिलेस्पी जंग कार्कीले ४३ औं मिनेटमा निर्णायक गोल गरे । जितसँगै आर्मीले १७ खेलबाट २४ अंक जोडेको छ ।
पराजित भएर शीर्ष स्थानमा उक्लने मौका गुमाएको चर्च ब्वाईज ३० अंकसहित दोस्रो स्थानमा यथावत छ । लिगअन्तर्गत आजै भएको अर्को खेलमा साविक विजेता मछिन्द्र फुटबल क्लवले थ्री स्टार क्लबलाई १–० ले हरायो । च्यासल रंगशालामा भएको खेलमा मछिन्द्रका लागि जापानी मिडफिल्डर युता सुजुकिले खेलको १०औँ मिनेटमा गरेको गोल नै निर्णायक बनेको हो ।
जितसँगै १७ खेलबाट २७ अंक जोडेको मच्छिन्द्र लिगको तेस्रो स्थानमा उक्लिएको छ । समान खेलबाट २५ अंक जोडेको थ्री स्टार चौथो स्थानमा झरेको छ ।
