झापाको बिर्तामोडमा आज शनिबार भएको प्रथम वडा अध्यक्ष कप कराते प्रतियोगिता २०८० मा विराटपोखर डोजो प्रथम भएको छ ।
शनिबार बिर्ताबजारमा भएको ३ नम्बर वडा अध्यक्ष कप कराते प्रतियोगितामा दोस्रो महेन्द्ररत्न डोजो, तेस्रो नमुना डोजो र चौंथो शुक्रराज डोजो भएका हुन् । २ सय खेलाडि सहभागि रहेको प्रतियोगितामा २० वटा तौल समूहमा प्रतिष्प्रर्धा भएको आयोजक महेन्द्र रत्न करांते डोजो का मुख्य प्रशिक्षक तथा कार्यक्रमका संयोजक दुर्गा राज निरौलाले जानकारी दिए ।
बिर्तामोड ३ को आर्थिक सहयोग तथा तत्वधानमा भएको प्रतियोगिताको उद्धघाटन बिर्तामोड ३ का वडाध्यक्ष मदन बुढाथोकीले गरेका थिए ।
कार्यक्रममा नेपाल करांते महासंघका निबर्तमान प्रमुख प्रशिक्षक मदन कुमार उप्रेती, झापा जिल्ला करांते महासंघ अध्यक्ष जगन कार्की दुर्वासा , नेपाल बक्सिङ संघको केन्द्रिय उपाध्यक्ष भोजराज सिटौला, नेकपा एमाले बिर्तामोड नगर कमिटि अध्यक्ष सुवास भट्टराई लगायतले शुभकामना मनतब्य राखेका थिए ।
उनीहरुलाई कार्यक्रमका प्रमुख अतिथि बिर्तामोड ३ का वडाध्यक्ष मदन बुढाथोकी, झापा जिल्ला करांते महासंघ अध्यक्ष जगन कार्की दुर्वासा लगायतले प्रतियोगितामा विजेत ाबनेकालाई प्रमाणपत्र, मेडल प्रदान गरेका थिए ।
खेलाडि उत्पादन गर्ने तथा गाउं घरमा लुकेर रहेका प्रतिभालाई उजागर गर्ने उदेश्यले प्रतियोगिताको आयोजना गरिएको जनाइएको छ ।
